Presidentja e Kosovës, Vjosa Osmani, është takuar ditën e sotme me presidentin e Ukrainës, Volodymyr Zelensky në samitin e Komunitetit Politik Evropian në Moldavi.
Këtë lajm e ka dhënë vetë presidentja Osmani përmes një postimi në rrjete sociale.
Krahas postimit ajo shkruan se askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës.
Me anë të publikimit të disa fotove nga takimi, Osmani tha se i shprehi solidaritet të plotë presidentit të Ukrainës, vendi i të cilit është në luftë me Rusinë.
“Askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës. Asgjë nuk mund ta pengojë vullnetin e një populli për të qenë i lirë”, shkroi Osmani.
Kosova po përfaqësohet në samitin e dytë të Komunitetit Politik Europian nga presidentja Vjosa Osmani.
Samiti në Moldavi do të prekë një sërë çështjesh strategjike, duke filluar nga energjia te siguria kibernetike dhe migrimi.
Gjithashtu, gjatë Samitit, është paralajmëruar se Osmani do të takohet personalisht me Macron-in dhe Scholz-in për tensionet në veri. Po ashtu, takim me ta do të ketë edhe presidenti i Serbisë, Aleksandër Vuçiç./Opinion.al
At times when it matters where you stand, I expressed our full solidarity to President @ZelenskyyUa. No one understands Ukraine’s pain, struggle and resilience better than the people of Kosovo.
Nothing can stand in the way of a people’s will to be free. 🇽🇰🇺🇦 #SlavaUkraini pic.twitter.com/tEJ3Q5i57X
— Vjosa Osmani (@VjosaOsmaniPRKS) June 1, 2023
