Gjatë viteve në Shqipëri grupet kriminale janë sofistikuar duke përdorur dhe teknologjinë për ekzekutimin e objektivit të tyre.
Gazetari Artan Hoxha ka thënë në “Abc News” së në Tiranë është bërë një atentat duke përdorur një dron në të cilin ishte vendosur lëndë eksplozive. Fatmirësisht, skenari i grupit kriminal dështoi dhe nuk pati persona të lënduar.
Po ashtu, Hoxha shprehet se grupet kriminale nuk i marrin më jashtë Shqipërisë minat e telekomanduara, pasi ato tashmë ato montohen edhe në vendin tonë.
“Minat me celular më parë vinin nga Mali i Zi. Grupet tona kriminale janë pajisur me dron, është tentuar të bëhet një atentat me dron në Shqipëri, sepse nuk i afroheshin dot objektivit për shkak të mbrojtjes. Është cështje në hetim dhe është identifikuar rasti që në dron ishte vendosur lënda eksplozive, një predhë që të vjen nga ajri, por kush e lëshoi nuk e merr vesh. Të nis dronin dhe ta shpërthen në kokë. Te këto lloj minash ka edhe një element tjetër që disa nga vrasësit me pagesë janë shkathtësuar jo vetëm për përdorimin e armëve por edhe ndërtimin e minave dhe të vendosin edhe lëndë eksplozive si Julian Sinanaj. Nuk importojmë vetëm nga jashtë mina, por kemi vrasës që ta ndërtojnë vetë dhe të kryejnë vetë atentatin që ndërpret zinxhirin nga porositësve te blerësi dhe vrasësi. Nëse do ta kishte lënë makinën të ecte (te rasti i Vasil Shantos) edhe 10 metra dëmi do të ishte më i madh” tha Artan Hoxha./ Opinion.al
