Policia e Shtetit ka dhënë informacion zyrtar lidhur me zbulimin e një sasie armësh ditën e djeshme në Tiranë. Bëhet me dije se disa persona, për shkak të presionit të Policisë, kishin transportuar dhe hedhur në një ambient të jashtëm, në rrugën “5 Maji ”pjesë armësh e municion luftarak. Ndërkohë vijon puna për të gjetur poseduesin e armëve.
“Më datë 05.10.2022, në rrugën “Besim Fagu”, Tiranë, shërbimet e Komisariatit të Policisë Nr. 4, pas informacioneve të marra në rrugë operative se disa persona, për shkak të presionit të Policisë, kishin transportuar dhe hedhur në një ambient të jashtëm, pjesë armësh e municion luftarak, menjëherë kanë ushtruar kontroll dhe kanë gjetur në rrugën “5 Maji”, pjesë armësh të ndryshme (kallashi, mitralozi të lehtë, mitralozi të rëndë, pushke), municione luftarake dhe pajisje optike ushtarake, të futura në thasë”-njofton policia.
Provat materiale do dërgohen në Institutin e Policisë Shkencore, për ekzaminim.
