Kryesore

Arrihet marrëveshja, Kosova dhe Serbia zgjidhin problemin e targave


Bëhu pjesë e Grupit Zyrtar të Opinion.al
>> KËTU <<
               Publikuar në : 19:08 - 29/09/21 |
Opi Nion

Pas takimeve që ka pasur ditën e sotme në Bruksel me qëllim shtensionimin e situatës në very, zëvendëskryeministri i Kosovës, Besnik Bislimi.

Në fjalën e tij Bislimi është shprehur se është arritur një draft final dhe pritet që të miratohet edhe nga pala serbe, para se marrëveshja të quhet si e finalizuar. Bislimi ka treguar se është rënë dakord që nga e hëna Kosova dhe Serbia të avancojnë në përdorimin e stikersave në vend të ndërrimit të tabelave.

Sipas Bislimi kjo është diçka e përkohshme derisa të arrihet një zgjidhje e përhershme për lëvizjen e lirë.

Ndër të tjera bëhet me dije se pika e tretë e marrëveshjes për të cilën është rënë dakord mes  Kosova dhe Serbisë është heqja e barrikadave dhe zëvëndësimi i Policisë së Kosovës me KFOR-in.

“Kemi pasur disa takime, të gjitha ishin bilaterale, me z. Lajçak, i cili pastaj ka ndërmjetësuar mes palëve. Qëllimi për ne ka qenë i qartë të arrijmë deeskalimin e të ruajmë reciprocitetin me targa. Deri tash kemi arritur te një draft final, që thuajse është dakorduar në tërësi. Ka mbetur vetëm pala serbe të jap dakordim final. Marrëveshja parasheh tri elemente. E para nga dita e hënë si Kosova ashtu edhe Serbia të avancojnë në përdorimin e stikersave në vend të ndërrimit të tabelave, që ishte edhe synimi i ynë të kemi trajtim të barabartë. Është e përkohshme dhe do të formohet grup punues për gjetje të një zgjedhje të përhershme për lëvizje të lirë të veturave brenda gjashtë muajve. Pika e tretë ka të bëjë me deeskalimin e situatës, largimin e barrikadave nga dy pikat kufitare në Jarinjë e Bërnjak. Sipas kësaj marrëveshje, të shtunën do të vendoset KFOR-i në pikat lartë, e pas disa orëve do të zëvendësohej Policia Speciale, që paralelisht me barrikadat do të largohej nga pikat kufitare.”

Ndërkohë që nga ana tijetër Bislimi ka deklaruar se e vetmja pikë ku Serbia nuk ka dhënë pëlqimin, para se marrëveshja të quhet e finalizuar, ka të bëjë me veturat KM.

“E vetmja pikë ku Serbia ende nuk e ka dhënë pëlqimin para se marrëveshja të quhet e finalizuar ka të bëjë me veturat KM për të cilat ata mendojnë që nuk do të duhej të aplikoheshin stikersat, kjo është absurde për arsye se ato janë tabela ilegale dhe ne nuk mund të nënshkruajmë marrëveshje ku favorizohen poseduesit ilegal të tabelave kështu që edhe ata do të kishin të njëjtin sistem për aq kohë sa lëvizin në veri, ndërkaq në jug do të konfiskoheshin.” /Opinion.al

Pas