Një zjarr i qëllimshëm mbrëmjen e së enjtes duket se rrezikoi 10 banesa në fshatin Thirrë të Mirëditës, ndërsa janë dëmtuar rreth 8 ha mjedis pyjor.
Ndërkohë ditën e sotme policia e Mirditës ka arrestuar shtetasin E.M,
29 vjeç, banues në Mirditë, pasi dyshohet se ka ndezur zjarr në parcela me qëllim hapjen e kullotave të reja, ku për shkak të favorizimit nga kushtet atmosferike.
Njoftimi:
Mirditë
Nga specialistët e Seksionit për parandalimin dhe hetimin e krimeve, u arrestua shtetasi E.M, 29 vjeç, banues në Mirditë.
Ky shtetas dyshohet se në vendet e quajtura “Pylla e Thirres”, “Livadhi i Drenit” në Thirrë Mirditë, ka ndezur zjarr në parcela me qëllim hapjen e kullotave të reja, ku për shkak të favorizimit nga kushtet atmosferike, ky zjarr është përhapur duke djegur rreth 8 ha mjedis pyjor.
Materialet proçeduriale në ngarkim të tij u referuan Prokurorisë së Rrethit Gjyqësor Lezhë për veprën penale ” Shkatërrimi nga pakujdesia me zjarr i pyjeve dhe i mjedisit pyjor” parashikuar nga neni 206/b i Kodit Penal.
