Një infermiere në Miami ka kërcënuar me jetë zëvëndës presidenten amerikane Kamala Harris. Pas publikimit të lajmit nga mediat vendase infermierja është arrestuar.
Bëhet me dije se infermierja është identifikuar si Niviane Petit Phelps, akuzohet për regjistrimin dhe dërgimin e disa videove te bashkëshorti i saj. Ky i fundit aktualisht ndodhet në burg dhe në videot që kishte marrë nga gruaja e tij flitej për vrasjen e zyrtares së lartë amerikan.
“Kamala Harris do të vdesësh. Ditët e tua janë të numëruara tashmë. Dikush më pagoi 53,000 dollarë vetëm për t’ju vrarë, unë do ta bëj punën, në rregull”, thotë Phelps në një nga videot.
Një agjent special i Shërbimit Sekret përgjoi komunikimet midis Phelps dhe burrit të saj të burgosur në JPay, një platformë komunikimi që lejon njerëzit të cilët nuk janë të burgosur të komunikojnë me njerëz brenda burgut.
Ndërkohë që po sipas mediave të amerikane infermierja kishte urrejtje për zv. presidenten Harris dhe presidentin amerikan Joe Biden./Opinion.al
