Bota

Arrestohet gruaja e bosit meksikan të drogës ‘El Chapo’,për çfarë akuzohet


Bëhu pjesë e Grupit Zyrtar të Opinion.al
>> KËTU <<
               Publikuar në : 09:27 - 23/02/21 |
Doriana Çepunaj

Gruaja e bosit të drogës, Joaquín “El Chapo” Guzman, është arrestuar nga autoritetet e SHBA pasi dyshohet se është pjesë e trafikut të drogës.

Autoritetet amerikane bëjnë me dije se Emma Coronel Aispuro, u arrestua në Aeroportin Ndërkombëtar Dulles jashtë Uashington DC.

Sipas dokumenteve të gjykatës ajo akuzohet për pjesëmarrje në një komplot për shpërndarjen e kokainës, metamfetaminës, heroinës dhe marihuanës.

Ndërkohë që “El Chapo”, aktualisht po vuan një dënim të përjetshëm në Neë York për trafik droge dhe pastrim parash. Për 63-vjeçarin zyrtarët thonë se ishte furnizuesi më i madh i drogës në SHBA, ish-kreu i kartelit Sinaloa.

Ajo, përveç akuzave për trafik droge, akuzohet gjithashtu për komplot me të tjerët për të ndihmuar burrin e saj të arratisej nga burgu në Meksikë në 2015. Dokumentet e gjykatës thanë se zonja Coronel Aispuro dyshohet se ishte e përfshirë në planifikimin e një arratisje tjetër nga burgu për burrin e saj para se ai të ekstradohej në SHBA në Janar 2017. Ajo ende nuk ka komentuar mbi akuzat.

Emma Coronel Aispuro, 31 vjeç, një qytetare amerikano-meksikane, është planifikuar të bëjë paraqitjen e saj fillestare në një gjykatë federale në DC përmes video-konferencës, tha Departamenti i Drejtësisë në SHBA./Opinion.al

Pas