Kronikë

Arrestohet 51-vjeçari, qëlloi me çifte drejt një personi


Bëhu pjesë e Grupit Zyrtar të Opinion.al
>> KËTU <<
               Publikuar në : 11:25 - 25/09/20 |
Opi Nion

Policia e Tiranës ka arrestuar një 51-vjeçar pasi gjatë një konflikti ka qëlluar me armë gjahu ndaj një personi.

51-vjeçari ka qëlluar me armën e gjahut për motive pronësie ndaj G. B., i cili nuk ka pësuar lëndime.

Mbërritjja në kohë e autoriteteve ka ndaluar përshkallëzimin e konlfiktit. Materialet i kaluan Prokurorisë pranë Gjykatës së Shkallës së Parë Tiranë, për veprat penale “Kanosja”, “Vetëgjyqësia” dhe “Prishja e rendit dhe qetësisë publike”.

Njoftimi i plotë i policisë

Ndërhyrja në kohë e Policisë parandalon përshkallëzimin e mëtejshëm të një konflikti të ashpër mes dy shtetasve, për motive pronësie.

Qëlloi me armë gjahu çifte në drejtim të një shtetasi, arrestohet në flagrancë 51-vjeçari. Sekuestrohet arma e gjahut çifte, të cilën 51-vjeçari e kishte me leje.

Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit G. N., 51 vjeç, banues në Tiranë.

Ky shtetas, pas një konflikti për motive pronësie me shtetasin G. B., me vetëgjyqësi ka qëlluar në drejtim të këtij shtetasi, pa e dëmtuar atë, duke prishur rendin dhe qetësinë publike.

Falë reagimit dhe ndërhyrjes në kohë të Policisë u bë parandalimi i përshkallëzimit të mëtejshëm të këtij konflikti dhe arrestimi në flagrancë i autorit të dyshuar të ngjarjes.

Materialet i kaluan Prokurorisë pranë Gjykatës së Shkallës së Parë Tiranë, për veprat penale “Kanosja”, “Vetëgjyqësia” dhe “Prishja e rendit dhe qetësisë publike”./ Opinion.al

Pas