Një 39-vjeçar është arrestuar nga Policia e Tiranës pasi ka ushtruar dhunë ndaj bashkëshortes së tij si dhe i janë sekuestruar armë zjarri.
Policia bën me dije se është informuar për dhunë në familje në Babrru, ku kanë vënë në pranga Algert Sedën.
Gjatë kontrollit në banesën e 39-vjeçarit, Policia gjeti dhe sekuestroi në cilësinë e provës materiale një armë zjarri gjahu dhe 65 fishekë gjuetie.
Në vijim të veprimeve, në bashkëpunim dhe me Komisariatin e Policisë Gramsh, gjatë kontrollit në banesën tjetër të këtij shtetasi në fshatin Sojnik, Gramsh, iu gjet dhe iu sekuestrua një armë zjarri automatik dhe 31 fishekë luftarak.
39 vjeçari akuzohet për “Dhuna në familje” dhe “Mbajtja pa leje e armëve luftarake dhe e municionit”./ Opinion.al
