Kronikë

Arrestohen 9 persona në Tiranë, për çfarë akuzohen


Bëhu pjesë e Grupit Zyrtar të Opinion.al
>> KËTU <<
               Publikuar në : 13:40 - 04/07/20 |
Opi Nion

Policia e Tiranës ka arrestuar gjatë 24 orëve të fundit  9 persona të cilët akuzohen për vepra të ndryshme penale.

Sipas autoriteteve, 9 persona janë arrestuar në flagrancë dhe 3 janë shpallur në kërkim policor.

Nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë i shtetasit F. D., 37 vjeç, pasi, në banesë, në mënyrë të vazhdueshme kërcenonte dhe ushtronte dhunë fizike dhe psikologjike ndaj prindërve të tij.

Ndërkohë, nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit B. H., 46 vjeç, pasi në rrugën “Jordan Misja”, gjatë kontrollit fizik iu gjet dhe iu sekuestrua në cilësinë e provës materiale një armë e ftohtë (thikë).

Specialistët e Qarkullimit Rrugor bënë arrestimin në flagrancë të shtetasve:

H. M., B. M., E. P. dhe J. O., pasi u kapën në flagrancë nga shërbimet e Policisë, duke drejtuar mjetet në gjendje të dehur.

Në vijim të punës për kapjen e personave të shpallur në kërkim, nga strukturat e DVP Tiranë janë kapur dhe ndaluar shtetasit:

U. T., 42 vjeç, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Përndjekja”.

O. D., 30 vjeç, pasi Gjykata e Shkallës së Parë Kavajë e ka dënuar me 1 vit e 6 muaj burg, për veprën penale “Vjedhja”.

E. H., 43 vjeç, pasi Gjykata e Shkallës së Parë Kavajë e ka dënuar me 20 ditë burg, për veprën penale “Drejtimi i automjeteve në mënyrë të parregullt”.

Materialet i kaluan Prokurorisë së Rrethit Gjyqësor Tiranë, për veprime të mëtejshme./ Opinion.al

 

Pas