Policia e Tiranës ka dhënë detaje lidhur me arrestimin e Hermes Nikaj i njohur ndryshe si “Zogu i Tiranës për akuzën e prostitucionit.
Ka patur shumë raste ku Nikaj, i njohur si “Zogu i Tiranës” së bashku me personat e tjerë të përfshirë kanë dërguar vajza për prostitucion në hotele dhe banesa të ndryshme në qytetin e Tiranës dhe qytete të tjera.
Sipas informacioneve rezulton se Nikaj siguronte vajza të ndryshme për klientë të interesuar për prostitucion, duke i dërguar ato në banesa ose hotelet sipas kërkesave të klientëve kundrejt përfitimit monetar që varionte nga 10.000 deri 20.000 lekë për 2 orë.
Bëhet e ditur se pronarja e një qendre estetike, me iniciale A.B fillimisht punësonte vajza si kursante ose si parukiere dhe më pas i rekrutonte ato për prostitucion duke i dërguar ato në banesa ose hotelet sipas kërkesave të klientëve kundrejt përfitimit monetar që varionte nga 500 deri në 700 Euro nata.
Pas operacionit të policisë në pranga kanë rënë 4 persona, ndërsa dy po procedohen në gjendje të lirë.
Policia ka mundur të arrestojë 28-vjeçarin Hermes Nikaj, i dyshuar për kryerjen e veprës penale të “Shfrytëzimit të prostitucionit” dhe “Prostitucionit”, 47-vjeçarin me iniciale A.Gj, i dyshuar për kryerjen e veprës penale të “Prostitucionit”, 43-vjeçaren me iniciale A.B e dyshuar për kryerjen e veprës penale të “Shfrytëzimit të prostitucionit” dhe 43-vjeçarin me iniciale A.N, i dyshuar për kryerjen e veprës penale të “Prostitucionit”.
Në gjendje të lirë po hetohen dy vajza 20 e 32 vjeçare banuese në Tiranë, të dyshuara për kryerjen e veprës penale të “Prostitucionit”.
Policia ka mundur të sekuestrojëe provës materiale: 2 fuoristrada të markës BMW, 10 aparate celular të markës I-Phone, Black Berry, Samsung dhe LG, dhe një sasi lekësh, euro dhe dollarë.
Materialet e para procedurale ju përcollën Prokurorisë pranë Gjykatës së Shkallës së Parë Tiranë./Opinion.al/
