Ministri i Brendshëm Sandër Lleshaj ka reaguar pas operacionit të zhvilluar në orët e para të mëngjesit të sotëm, ku u arrestuan dhjetëra persona për vepre të ndryshme penale.
Mes të arrestuarve është dhe analisti Henri Çili, i cili akuzohet për fshehje e të ardhurave, pastrim parash, falsifikim i dokumenteve, mashtrim, ushtrim i paligjshëm, falsifikim i dokumenteve në bashkëpunim.
Ndërkohë, Lleshaj shprehet në reagimin e tij se ky operacion është rezultat i reformës në drejtësi.
“Policia dhe Prokuroria dhanë sot një tjetër provë të rëndësishme të seriozitetit në luftën e përbashkët kundër krimit të organizuar. Reforma në Drejtësi po sjell përditë rezultate. Droga dhe krimi nuk mund të kenë vend tek ne. Përgëzime për punën e Policisë dhe Prokurorisë,”-shprehet Lleshaj.
Dyshohet se Çili ka ndërhyrë në një proces gjyqësor për lehtësimin e masës së arrestit ndaj Arbion Aliko, i cili është i dënuar për vrasjen e efektivit të RENEA-s në Lazarat./ Opinion.al
