Kryesore

Meta i tërheq vëmendjen, Dvorani: Organet kushtetuese janë të barabarta


               Publikuar në : 14:13 - 28/02/20 |
Opi Nion

Komisioni Hetimor për shkarkimin e Presidentin Meta, ka thirrur të premten  në seancë dëgjimore Kreun e Këshillit të Emërimeve në Drejtësi, Ardian Dvorani.

Çështja e emërimeve në Gjykatën Kushtetuese ka qenë në qendër të kësaj seance, ku ndër të tjera, teksa ka shpjeguar teknikisht procedurën e emërimeve në këtë organ, Dovrani është shprehur, se raporti i organeve kushtetuese për këtë proces është i barabartë.

Kreu i KED i është referuar një shkrese, që Presidenti Meta i ka dërguar në 31 gusht dhe që sipas tij, i tërheq vëmendjen lidhur me procesin e emërimeve në Gjykatën Kushtetuese.

Ndërsa kryetari i komisionit hetimor Ulsi Manja, e cilësoi këtë veprim si ndërhyrje në pavarësinë e organit kushtetues, Dvorani u shpreh: “Ky për mendimin tim personal nuk është një veprim i duhur, në raportet mes organeve kushtetuese, që sipas meje janë të barabarta, lidhur me procesin e plotësimit të vakancave në Gjykatën Kushtetuese”.

Pak muaj më parë pati një debat të fortë për emërimin e anëtarëve të Gjykatës Kushtetuese mes Presidentit dhe opozitës nga njëra anë dhe KED-së me shumicën nga krahu tjetër. Çështja përfundoi në SPAK, pas kallëzimit të Presidentit për kreun e KED-së, Ardian Dvorani.

Ndërkohë që Komisioni Hetimor për presidentin, i ngritur për të hetuar anulimin e dekretit për zgjedhjet e 30 Qershorit zgjeroi objektin e hetimit duke përfshirë edhe çështjet e debatit për emërimin e anëtarëve të Kushtetueses./ Opinion.al

Pas