Bota

Turqia pranë konfliktit me Rusinë, hap kufirin:Sirianët të hyjnë në Europë


               Publikuar në : 13:35 - 28/02/20 |
Opi Nion

Turqia nuk do t’i ndalojë më refugjatët sirianë të hyjnë në Europë, sikurse ka bërë me dije një zyrtar turk, duke iu përgjigjur në këtë mënyrë vrasjes së 33 ushtarëve të saj nga një sulm i forcave qeveritare siriane në veriperëndim të zonës së Idlibit.

Sipas “Reuters”, hapja e kufijve do të sillte një përsëritje të krizës së emigracionit të viteve 2015-2016, kur më shumë se 1 milionë sirianë mbërritën përmes detit në Greqi duke përshkuar të gjithë Ballkanin në këmbë, derisa Turqia vendosi të mbyllë serish kufirin.

Në orët e para të së premtes refugjatë dhe emigrantë ishin duke udhëtuar për të mbërritur në kufi, ndërkohë që zyrtarët thonë se policia dhe rojet kufitare janë urdhëruar të mos ndërhyjnë dhe të lejojnë largimin e tyre, si nga toka edhe nga deti.

Rreth 1 milionë civilë janë spostuar prej Dhjetorit  nga brendësia e Sirisë pranë kufirit turk, duke pritur në kushte të vështira atmosferike hapjen e kufirit. Ndërkohë Turqia mban sot rreth 3.7 milionë sirianë dhe shprehet që nuk mund të përballojë më tepër.

Nga ana tjetër, duket se një vend anëtar i NATOS, si Turqia është shumë pranë një konflikti me Rusinë, e cila po mbështet forcat e qeverisë siriane, ndërkohë që rebelët në verilindje të Sirisë mbështeten nga Turqia.

Rusia tha se Erdogan ka biseduar mbi krizën në një lidhje telefonike me presidentin Vladimir Putin.

Kombet e Bashkuara kanë bërë thirrje për pushim të sulmeve, por tre raunde bisedimesh mes Ankarasë dhe Moskës kanë dështuar mbërritjen e një marrëveshjeje. / Opinion.al

Pas