Aktualitet

Arrestimi i Dizdarit/ Policia e Dubait: U caktua një ekip oficerësh elitë


Bëhu pjesë e Grupit Zyrtar të Opinion.al
>> KËTU <<
               Publikuar në : 16:29 - 17/09/20 |
Al Do

Një hetim pesë-vjeçar që kishte në fokus bandën e drogës “Kompania Bello” të Shqipërisë ka rezultuar në arrestimin e 20 personave në lidhje me vrasjet dhe trafikimin e kokainës.

Një person u arrestua në Dubai të martën ndërsa bastisjet u zhvilluan në 10 vende si pjesë e operacionit Los Blancos.

LEXO EDHE – Operacion ndërkombëtar anti-drogë, arrestohen 5 persona

Policia e Dubait tha se Denis Matoshi (Eldi Dizdari), një anëtar i grupit kriminal, ndihmoi në trafikimin e qindra tonë droge në Evropë përmes porteve detare.

“Një ekip oficerësh elitë nga Departamenti i Njerëzve të Kërkuar në Policinë e Dubai u caktua menjëherë në detyrë pasi shkëmbyen informacionin e nevojshëm me autoritetet italiane dhe Interpol,” tha gjeneralmajor Khalil Al Mansouri, ndihmës komandant i përgjithshëm për çështjet e hetimit penal cituar nga mediat vendase.

LEXO EDHE – Kush është shqiptari i arrestuar në Dubai, lidhja me vrasjen në ish- Bllok

Ekipi e vendosi të dyshuarin nën mbikëqyrje të ngushtë për disa ditë derisa ata morën njoftimin e Interpolit kundër tij.

“Oficerët tanë, të ndihmuar nga Qendra e Analizës së të Dhënave Kriminale në Policinë e Dubait, gjetën të dyshuarin dhe e arrestuan atë në Dubai,” tha Gjeneral Majori Al Mansuri.

Matoshi do t’i dorëzohet Interpolit Italian pasi të jetë proceduar urdhri i tij i ekstradimit dhe ai të përballet me prokurorët në Dubai.

Qindra oficerë policie kanë marrë pjesë në bastisjet, të cilat u drejtuan nga policia në Itali, për të kapur anëtarët e një “sindikate kriminale shumë profesionale”, tha Europol.

Më shumë se katër tonë kokainë e vlerësuar në 1 miliard dollarë dhe 5.5 milion euro kesh u sekuestruan gjatë hetimit.

Banda po përdorte automjete të modifikuara enkas për të trafikuar drogë përmes kufijve në të gjithë Evropën.

Burimet zyrtare në Itali thonë se kryesuesi i grupit është “një 40-vjeçar shqiptar që jeton në Ekuador”.

Pesë persona janë arrestuar në Itali, pesë në Shqipëri, dy në Hollandë, dy në Gjermani, një në Rumani, një në Hungari, një në Spanjë dhe një në Dubai.

LEXO EDHE – Operacioni ndërkombëtar, kush janë shqiptarët e arrestuar në Europë

Të dyshuarit janë vendosur në paraburgim për trafik ndërkombëtar të substancave narkotike, mbajtje dhe shpërndarje të paligjshme të drogës dhe sulmeve brutale, përfshirë vrasjen.

Eurojust përshkruan operacionin si më të madhin në llojin e tij kundër një bande krimi të organizuar shqipfolës dhe thotë se është rezultat i një Ekipi të Përbashkët Hetimi me pjesëmarrjen e Italisë dhe Hollandës që punojnë ngushtë së bashku për pesë vjet.

“Për vite me radhë, importuesit ndërkombëtarë të kokainës punuan veçmas nga shitësit me shumicë dhe bandat që shpërndanin drogën në rrugë,” tha Eurojust.

“Në këtë rast, rrjeti shqipfolës nën hetim hodhi poshtë të gjithë modelin dhe kontrolloi të gjithë zinxhirin – nga rregullimi i dërgesave të mëdha direkt nga Amerika e Jugut deri te shpërndarja në të gjithë Evropën.

“Duke përdorur mjete të sofistikuara të koduara të komunikimit, kreu i organizatës – një 40-vjeçar shqiptar me qendër në Ekuador – negocioi drejtpërdrejt me kartelet e drogës në Amerikën e Jugut, organizoi dërgesa të mëdha të kokainës në portet kryesore të Evropës dhe, me ndihmën e bashkëpunëtorëve në Itali, Hollandë dhe Shqipëri, organizoi shpërndarje në të gjithë Evropën.

“Kokaina ishte kontrabanduar përtej kufijve evropianë të fshehur në automjete të pajisura me ndarje të fshehura të sofistikuara.”

Më shumë se 80 persona janë arrestuar tashmë nga grupi në Itali, Ekuador, Hollandë, Mbretëri e Bashkuar, Zvicër dhe Gjermani.

Hetimi filloi në 2015 nga Policia e Shtetit Italian, nën drejtimin e Prokurorisë Publike të Firences.

Një Ekip i Përbashkët Hetimor (JIT) u krijua midis Italisë dhe Hollandës me ndihmën dhe financimin e Eurojust dhe Europol./ Opinion.al

Pas