Pas arrestimit të Safet Bajrit dhe grupit të tij, Partia Demokratike ka adresuar një sërë pyetjesh për deputetin e Shkodrës Ditmir Bushati, lidhur me mbështetjen e fushatës së këtij të fundit nga grupi kriminal.
Pas heshtjes së ministrit lidhur me këto akuza, Sekretari i Grupit Parlamentar në PD, Ervin Salianji shprehet se e vërteta është që me me porosi të Ramës, Bushati ka bashkëpunuar me Bajrët në zgjedhje.
Salianji:
Bushati nuk iu përgjigj 5 pyetjeve që i adresoi Partia Demokratike dje.
Bushati dhe Rama janë mekur sepse:
– Bushati me porosi të Ramës i ka takuar me dhjetëra herë para fushatës, gjatë fushatës dhe pas saj për t’i kthyer shërbimet grupit të Bajrajve, me emërime, tendera dhe vendosjen e shtetit në shërbim të tyre.
– Gjatë zgjedhjeve grupi Bajraj është përdorur për të kërcënuar dhe intimiduar votuesit e opozitës.
– Rama i ka kërkuar grupit Bajraj, nepermjet Ditmir Bushatit, që të shtojnë numrin e deputetëve te PS ne Qarkun Shkodër sipas “mënyrës së tyre” dhe në këmbim u ka ofruar garanci për të drejtuar ata gjithë interesat në Shkodër.
– Bushati u ka dërguar falenderimet në emër të Ramës pas zgjedhjeve elektorale.
– Komunikimi me Bajrat është i shpeshtë dhe komunikimi i fundit me ta është gjatë muajve të fundit.
Shumë prej qeveritarëve dhe deputetëve të Rames kanë rënë në rrjetën e përgjimeve të partnerëve.
Prandaj Edi Rama nuk e pranon vetingun në politikë.
