Policia ka identifikuar dhe vënë në pranga autorët e grabitjes në Kamëz, thanë burime të sigurta. Për të dhënë detajet në orën 12:30 është njoftuar zyrtarisht konference për mediat e Drejtorit të Policisë Tiranë, Drejtues Kastriot Skënderaj.
Paraprakisht mësohet se autorët janë të moshës 25 dhe 28 vjec. Njëri prej tyre e ka pranuar autorësinë, por ka thënë se pistoletën e kishin për ti trembur por për shkak të rrethanave kanë qëlluar ciftin Buci.
Mbrëmjen e 25 Prillit, në lagjen “OSBE” të Kamzës dy persona të armatosur hynë me kapuçë në dyqanin e vogël ushqimor të çiftit Buci me qëllim për ti grabitur.
Si pasojë mbeti i vrarë Agim Buci, 53 vjeç dhe e plagosur gruaja e tij, Merita buci. Në dyqan, në momentin e krimit ndodhej edhe fëmija i tyre 6 vjeçar i cili ka mbetur i traumatizuar nga të shtënat që i morën jetën babait të tij.
Çifti me origjinë nga Burreli ishte vendosur prej vitesh në Kamëz dhe ngjitur më shtëpinë kishin edhe biznesin e vogël ku ndodhi krimi i rëndë.
*Opinion.al do publikojë në kohë reale deklaraten e drejtorit të policisë që pritet të nisë në 12:30
