Aktualitet

“Arrest me burg” për Pajtim Agën dhe anëtarët e tjerë të bandës së drogës


Bëhu pjesë e Grupit Zyrtar të Opinion.al
>> KËTU <<
               Publikuar në : 12:24 - 21/01/20 |
xhu lia

Ditën e sotme Gjykata e Tiranës ka dhënë masën “Arrest me burg” për 7 të arrestuarit e operacionit anti-drogë “Tranzit”.

Mes të arrestuarve është edhe vëllai i ish-shefit te qarkullimit Dibër, Robert Aga, Pajtim Aga. Gjatë të premtes (17 Janar) këta persona u kapën me 32kg drogë të llojit “çokollatë”.

Gjykata ka dhënë masën e sigurisë ‘arrest me burg’ për të arrestuarit Edmond Rajta, Pajtim Aga, Shkëlzen Mazari, Devis Mija Fatjon (Paulin) Dodaj, Marsida Piperi, Arjet Halilaj.

Mësohet se policia ra në gjurmët e këtij grupi kriminal, ndërkohë që prokuroria e Dibrës kishte nën përgjim Pajtim Agën, vëllain e ish-shefit të qarkullimit në Dibër, i cili dyshohej për një vepër tjetër penale.

Personi i vetëm që ka pranuar se droga i përkiste ishte Shkelzen Mazari. Mendohet se Pajtim Aga dhe Edmond Rajta kanë transportuar drogën për në shtëpinë e Mazarit.

Ndërkohë nipi i Mazarit, Devis Mija mori makinën dhe doli nga oborri i banesës, ndërsa policia e arrestoi 200 metra më tej, pjesa tjetër e drogës u kap në Gjirokastër./Opinion.al/

Pas