Aktualitet

Arben Kraja: Rezultatet duan kohë, presim BKH-në


               Publikuar në : 12:27 - 21/01/20 |
Al Do

Drejtuesi i Prokurorisë së Posaçme të SPAK, Arben Kraja deklaroi se duhet kohë që institucioni që ai drejton të ketë rezultate ndërkohë që i bëri sërish apel KLP-së për të plotësuar vakancat në Prokurorinë Speciale.

I pranishëm në konferencën rajonale “Hetimi financiar i korrupsionit në Shqipëri, Maqedoninë e Veriut”, të organizuar paraditen e sotme, Kraja bëri të ditur se hetimet kanë nisur për çështjet më të rëndësishme por nënvizoi se hetimi i zyrtarëve të lartë është një betejë e vështirë.

Kemi nisur hetimet duke u fokusuar në çështje më të rëndësishme. Kemi rivendosur kontaktet me partnerët ndërkombëtarë për çështje që vazhdojnë të hetohen. Janë disa hetime të përbashkëta që bëhen për llogari të autoritete e huaja”, tha Kraja në fjalën e tij.

Sa i përket BHK, Kraja deklaroi se janë miratuar aktet nënligjore për zgjedhjen e anëtarëve dhe po priten aplikimet.

Ndërkohë kemi miratuar paketën e plotë të akteve nënligjore për zgjedhjen e drejtorit dhe anëtarëve të Byrosë së Hetimit. Ne aktualisht kemi prokurorë por nuk kemi hetuesit. Kanë nisur aplikimet. Shpresojmë që deri më datën 30 të kemi një numë sa më të madh kandidatësh që më pas të mund të zgjedhim më të mirin dhe profesionistin”, tha ai.

Në fund, kreu i SPAK, kërkoi mirëkuptim përsa i përket rezultateve pasi ato duan kohë por edhe vullnetin e të gjithëve.

Duhet të kesh bazë ligjore të mirë, strukturë dhe vullnet për të arritur. Ne i kemi. Por për të pasur rezultate duhet pak kohë. E rëndësishme është që jemi në rrugë të mirë. Për të pasur sukses duhet të jemi të gjithë bashkë. Duhen hequr barrierat kush e ka apo kush nuk e ka përgjegjësinë.  Duhet të jemi në front të gjithë në luftën kundër krimit përndryshe nuk do të kemi sukses. Dështimi dhe suksesi duhet të jetë i të gjithëve bashkë”. /Opinion.al

Pas