Presidenti i Federatës Shqiptare të Futbollit, Armando Duka është shprehur se humbja me Skocinë nuk duhet të shihet si një tragjedi, pasi është vetëm një ndeshje.
“Nuk kam bërë reagim, por kam dhënë mendim timin. Ndeshjen me Skocinë donim ta fitonim, por ky është futbolli. Kemi humbur një ndeshje dhe nuk është tragjedi, sikurse fiton një ndeshje nuk është si një finale. Ne fituam me Izraelin, por specialistët kanë parë probleme në lojë.
Kjo është një lojë kolektive, por gjithsesi secili ka peshën e vet specifike, sikurse e ka edhe trajneri aktual. Kombëtarja është e Shqipërisë dhe të gjithë kanë të mirën dhe të keqen, faturën e suksesit dhe mossuksesit”, ka thënë Presidenti.
