Aktualitet

Arben Kraja: Lidhjet politike nuk do mbrojnë askënd nga SPAK


Bëhu pjesë e Grupit Zyrtar të Opinion.al
>> KËTU <<
               Publikuar në : 12:00 - 23/07/21 |
Opi Nion

Kreu i SPAK Arben Kraja, në aktivitetin e zhvilluar në kuadër të 5 vjetorit të reformës në drejtësi tha se rezultatet e SPAK janë të matshme pasi ka ndëshkime dhe konfiskime të pasurive nga aktiviteti kriminal dhe hetime ndaj zyrtarëve.

Kraja theksoi se lidhjet politike nuk do mbrojnë askënd nga drejtësia duke theksuar se koncepti i pandëshkueshmërisë për shkak të lidhjeve politike do të marrë fund.

“SPAK ka një vit e gjysmë që ushtron aktivitet por është një periudhë e mjaftueshme për të parë se çfarë kemi arritur. Kjo periudhë ka qenë intensive. Falenderoj KLP që më në fund u shtuan dhe dy prokurorë. Konsolidimi i strukturave, grupi i parë i BKH është pothuajse gati për të filluar punë. Grupi që ofron trajnimet është efikas. Ka pasur pa diskutim rezultate. Rezultatet e fundit të muajve të fundit janë të matshme dhe kanë qenë publike. Ndëshkueshmëri me vendime të formës së prerë, konfiskime ta pasurive nga aktiviteti kriminal dhe hetime ndaj zyrtarëve dhe jo zyrtarëve. Ajo që dua të theksoj është se përditë e më shumë po bëhet më efikase. Kjo shihet në pritshmëritë në raport me partnerët. Përditë e më shumë është më i besueshëm, në numri e rasteve që po referohen. Duhet të jeni të ndërgjegjshëm që mes pritshmërisë dhe kushteve janë dy gjëra të ndryshme”, tha kreu i SPAK.

Më tej Kraja tha: “Do i shkojmë deri në fund çështjeve pavarësisht personave që janë të përfshirë. Ka nevojë për një ambient të përshtatshëm për BKH. Do jetë e pamundur që të ushtrojnë funksionet në kushte normale. E dyta ka të bëjë me një koncept për prokurorët dhe hetuesit e BKH. Mandati i kufizuar bie ndesh me konceptin e luftës kundër korrupsionit. Kjo situatë nuk mund të zgjidhet me një strukturë me mandat të kufizuar kohor. Në fazën e tretë do jetë faza kur sistemi i drejtësisë do japë rezultatet. Koncepti i pandëshkueshmërisë për arsye të lidhjeve politike do marrë fund. Ne punojmë me parimin që të gjithë janë të barabartë para ligjit dhe kështu do vazhdojë deri në fund’./Opinion.al

Pas