Aktualitet

Aplikimet për pasaporta, Ministria e Brendshme njoftim për qytetarët


Bëhu pjesë e Grupit Zyrtar të Opinion.al
>> KËTU <<
               Publikuar në : 19:01 - 29/12/20 |
Semiljana Azizi

Zyra për aplikimin e pasaportave biometrike do të jetë e hapur deri më 30 dhjetor.

Lajmin e ka bërë të ditur Ministria e Brendshme nëpërmjet një njoftimi në faqen e saj zyrtare.

Sipas njoftimit bëhet me dije se ky pezullim i përkohshëm i aplikimeve bëhet për shkak se kompania koncesionare do të kryejë mirëmbajtjen vjetore dhe inventarin.

Dita e fundit në të cilën qytetarët por dhe emigrantët mund të aplikojnë do të jetë e mërkura, 30 dhjetor 2020. Njoftimi është i vlefshëm si për shtetasit brenda territorit të vendit, ashtu dhe për ata që kanë aplikuar apo duan të aplikojnë në ambasada, thekson Ministria e Brendshme.

Njoftimi:

Zyrat e aplikimeve për dokumente biometrike të hapura deri në 30 dhjetor. Ministria e Brendshme informon qytetarët se zyrat e aplikimit dhe shpërndarjes të kartave të identitetit dhe pasaportave biometrike, ditën e enjte, datë 31 dhjetor 2020, nuk do të ofrojnë shërbim. Ky pezullim i përkohshëm i aplikimeve bëhet për shkak se kompania koncesionare do të kryejë mirëmbajtjen vjetore dhe inventarin.

Dita e fundit që qytetarët mund të aplikojnë është e mërkura, 30 dhjetor 2020.

Për shkak të festave të ndërrimit të viteve, dita kur do të rifillojë shërbimi i aplikimeve do të jetë e marta, 5 janar 2021.

Ky njoftim është i vlefshëm si për shtetasit brenda territorit të vendit, ashtu dhe për ata që kanë aplikuar apo duan të aplikojnë në ambasada./Opinion.al

Pas