Një eksperiment i ri i publikuar nga Public Health England (PHE) në fund të Dhjetorit, jep një tregues të mirë të sasisë së kimikateve toksike dhe katranit që thith në muaj një duhanpirës mesatar, në krahasim me ato të thithura nga një jo-duhanpirës ose një përdorues i produkteve pa tym Shëndeti Publik Anglez (PHE), organizata shëndetësore në Mbretërinë e Bashkuar e njohur për qëndrimin e saj progresiv në lidhje me reduktimin e dëmit, ka publikuar një eksperiment që tregon dëmin shkatërrues të shkaktuar nga pirja e cigareve dhe se si kjo mund të shmanget ose minimizohet duke kaluar në produkte më të sigurta pa tym.
Publikimi i këtij eksperimenti është pjesë e fushatës së PHE “Health Harms”, që inkurajon duhanpirësit të provojnë të lënë cigaren. Eksperimenti është kryer nga ekspertë të shëndetit Dr Lion Shahab dhe Dr Rosemary Leonard, që demonstron nivele të konsiderueshme të kimikateve që shkaktojnë kancer dhe katranit të thithur nga një duhanpirës mesatar gjatë një muaji, kur krahasohet me një jo-duhanpirës ose përdorues të duhanit pa tym.
Eksperimenti i realizuar krahason efektet duke përdorur thithjen e tymit të cigares, aerosolit dhe ajrit normal, në tre enë të mbushura me disqe pambuku, të cilat imitojnë mushkëritë. Çdo enë është e bashkangjitur në një pompë diafragme duke siguruar një tërheqje të vazhdueshme dhe të barabartë të tre llojeve të ndryshme të ajrit.
Në fund të eksperimentit, disku i pambukut në enën e cigares është kafe, pjesa e brendshme e enës është kafe dhe tubi që çon në pompën e ajrit është i veshur me katran. Nga ana tjetër, ena që merr avuj të produkteve pa tym te duhanit, mbetet praktikisht e pandryshuar, me disa avuj uji mbi të dhe njollë shumë të lehtë nga ngjyrosja në lëngun nga pajisjet elektronike, ndërsa natyrshëm, ai që merr ajrin natyror mbetet i pandryshuar, me përjashtim të formimit të disa avujve të ujit.
Drejtori i PHE për përmirësimin e shëndetit, Profesor John Newton tha se ky eksperiment tregon qartë kontrastin e fortë midis ndikimeve të pirjes së cigareve dhe produkteve pa tym. "Do të ishte tragjike nëse mijëra duhanpirës që mund të linin cigaren me ndihmën e një cigareje elektronike, të tërhiqeshin për shkak të frikës së rreme për sigurinë," tha ai.
“Ne duhet të sigurojmë duhanpirësit se kalimi në produkte duhani pa tym do të ishte shumë më pak i dëmshëm se pirja e cigareve. Ky eksperiment thekson dëmet shkatërruese të shkaktuara nga çdo cigare dhe i ndihmon njerëzit të shohin se avullimi ka të ngjarë të paraqesë vetëm një pjesë të rrezikut, "shtoi ai.
Shumë duhanpirës mbeten të keqinformuar në lidhje me sigurinë e produkteve pa tym. Fatkeqësisht, hulumtimi ka treguar që 44% e duhanpirësve gabimisht besojnë se produktet pa tym janë po aq të dëmshëm sa pirja e cigareve, ose nuk e dinë që paraqet rreziqe shumë më të ulta për shëndetin. PHE është e vetëdijshme që me fillimin e vitit të ri, të paktën gjysmë milioni duhanpirës do të provojnë të lënë cigaren, dhe po i nxit ata të përdorin Planin Personal të Lënies në mënyrë që të rrisin shanset e tyre për të qenë të suksesshëm.
Krahas cigareve elektronike, alternativa të tjera të duhanpirjes pa tym janë dhe pajisjet që mundësojnë ngrohjen e fijeve te duhanit duke shmangur djegien. Shmangia e plotë e djegies përmes ngrohjes në temperaturë 350 gradë Celsius mundëson çlirimin e nikotinës dhe shijes së duhanit, por eliminon tërësisht tymin.
Aktualisht në botë numërohen rreth 17.6 milionë duhanpirës që përdorin IQOS, pajisjen elektronike që ngroh duhanin, të zhvilluar nga Philip Morris. Gjatë vitit të kaluar edhe FDA, Administrata amerikane e Ushqimit dhe Barnave ndërmori vendimin për të autorizuar IQOS si pajisje elektronike duhani me risk të modifikuar. Ky vendim I rëndësishëm informon përdoruesit për minimizimin e ekspozimit të tyre nga risqeve që vijnë prej duhanpirjes.
