Aktualitet

Ambasadori i BE-së: Duhet të dënohen figura të nivelit të lartë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:12 - 05/07/21 |
Opi Nion

Ambasadori i Bashkimit Evropian në vendin tonë, Luigi Soreca, në konferencën “Sfidat dhe mundësitë në luftën kundër korrupsionit dhe forcimin e integritetit”, tha se Shqipëria ka bërë përparim në fushën e korrupsionit.

Soreca deklaroi se SPAK ka filluar të tregojë rezultate jo vetëm duke proceduar zyrtarë, por edhe sekuestruar pasurinë e tyre. Më tej ai përmendi edhe rastin e Prokurorit të Përgjithshëm, Adriatik Llala për të cilin tha se më parë, as nuk mendohej që Prokurori i Përgjithshëm të shkonte në gjykatë, por në maj ai u dënua nga gjykata.

“SPAK ka filluar të tregojë rezultate jo vetëm duke proceduar zyrtarë, por edhe sekuestruar pasurinë. Më parë, as nuk mendohej që Prokurori i Përgjithshëm të shkojë në gjykatë, por në maj ai u dënua nga gjykata. Duhet që ne të shikojmë dy gjëra të rëndësishme. Dëmine dhe konfiskime të pasurisë. Duhet të ketë figura të nivelit të lartë që duhet të dënohen”, u shpreh Soreca.

Gjatë fjalës së tij Soreca theksoi gjithashtu se Shqipëria nuk ka mbërritur aty ku duhet. Sipas tij, SPAK duhet të ndjekë korrupsionin në nivelet e larta.

“Pavarësisht përmirësimit, Shqipëria nuk ka mbërritur aty ku duhet. SPAK duhet të ndjekë korrupsionin në nivelet e larta. Shqipëria duhet të sigurojë që hetimet duhet të vijojnë për ata gjyqtarë apo prokurorë që kanë dalë si të lidhur me krimin gjatë procesit të vetting-ut”, shtoi Soreca./Opinion.al

Pas