Aktualitet

Ambasada shqiptare në Turqi: Nuk ka shqiptarë të lënduar nga sulmi



Bëhu pjesë e Grupit Zyrtar të Opinion.al
>> KËTU <<
               Publikuar në : 20:17 - 13/11/22 |
Opi Nion

Konsullata e Përgjithshme e Shqipërisë në Stamboll bëri me dije se deri më tani nuk raportohet për shqiptarë të lënduar nga shpërthimi i ndodhur ditën e sotme në këtë qytet, ku humbën jetën 6 persona dhe u lëndua 81 të tjerë.

Ndër të tjera, Konsullata njoftoi se është në komunikim të vazhdueshëm me autoritetet turke, ndërsa ftoi të gjithë qytetarët shqiptarë të cilët ndodhen në Stamboll të telefonojnë në rast nevoje.

Ndërkohë, lidhur me ngjarjen e rëndë, kanë reaguar në rrjetet sociale,  presidenti Bajram Begaj, ministrja e Jashtme Olta Xhaçka, dhe kryetarja e Kuvendit, Lindita Nikolla.

Xhaçka tha se ngjarja është shokuese, ndërsa shtoi se Shqipëria qëndron pranë Turqisë dhe popullin të saj në këtë ditë të vështirë.

“Shokues shpërthimi në sheshin Taksim në Stamboll,Turqi. Lutjet tona shkojnë për familjet e atyre që humben jetën dhe shërim sa më të shpejtë të plagosurve. Ne qëndrojmë pranë Turqisë dhe popullit të saj në këtë ditë të dhimbshme”, shkruan Xhaçka.

Presidenti Begaj, përmes një postimi në “Twittter”, shpreu  ngushëllimet për familjet e viktimave si dhe dënoi çdo akt që synon dëmtimin e njerëzve të pafajshëm.

“Mendimet dhe lutjet tona janë me familjet e viktimave dhe personave të plagosur nga shpërthimi vdekjeprurës në Stamboll pasditen e sotme. Të tronditur nga kjo tragjedi, ne qëndrojmë pranë Turqisë dhe dënojmë çdo akt që synon dëmtimin e njerëzve të pafajshëm”, shkruan Begaj.

Po ashtu, edhe kryetarja e Kuvendit, Lindita Nikolla, shprehu ngushëllimet për familjet e viktimave dhe të plagosurve, si dhe solidaritetin me shtetin turk në këtë ditë të vështirë.

“Një lajm tronditës dhe i dhimbshëm nga Stambolli: 6 persona humbën jetën dhe disa dhjetëra u plagosën pas shpërthimit në sheshin Taksim. Solidaritet me familjet e viktimave, qytetarë të Stambollit, Kuvendin e Madh Kombëtar dhe Presidentin e tij, Mustafa Sentop!”, shkruan Nikolla./Opinion.al

Pas