Aktualitet

Alpinistët e bllokuar në malin e Murganës, policia jep detaje


Bëhu pjesë e Grupit Zyrtar të Opinion.al
>> KËTU <<
               Publikuar në : 19:11 - 07/02/21 |
Semiljana Azizi

Policia ka dhënë informacion zyrtar për bllokimin e alpinistëve në malin e Murganës ditën e sotme. Sipas njoftimit, asnjë prej alpinistëve nuk ka rrezik për jetën teksa është bërë i mundur transportimi i tyre në fshatin Sotirë.

Nga ana tjetër theksohet se 17-vjeçari i cili rrëshqiti, ka dëmtuar këmbën.

Gjithashtu në njoftimin e autoriteteve policore bëhet me dije se, Policia u njoftua nga një telefonatë dhe menjëherë u vendos në lëvizje së bashku me forcat Shqiponja të DVP Gjirokastër, shërbimet e Postës së Policisë Dropull dhe Forcat e Ushtrisë.

NJOFTIMI NGA POLICIA

Gjirokastër/ Informacion Paraprk

Në sallën e Drejtorisë Vendore të Policisë Gjirokastër ka ardhur një telefonatë se disa alpinistë ndodhen në malin Morgan, mbi fshatin Sotirë dhe kanë nevojë për ndihmë pasi shtetasi E. K., rreth 17 vjeç është rrëzuar dhe ka dëmtuar këmbën.

Menjëherë pas njoftimit janë nisur për në malin Morgan, forcat Shqiponja të DVP Gjirokastër, shërbimet e Postës së Policisë Dropull dhe Forcat e Ushtrisë për tiu ardhur në ndihmë këtyre shtetasve.

Aktualisht këta shtetas po ndihmohen nga shërbimet e policisë, ku po transportohen me mjetet e policisë drejtë fshatit Sotirë dhe asnjë prej tyre nuk ka rrezik për jetën./Opinion.al

Pas