Aktualitet

“Alo, jam Evisi”, ministrja e Arsimit telefonata surprizë me mësuesit


Bëhu pjesë e Grupit Zyrtar të Opinion.al
>> KËTU <<
               Publikuar në : 22:35 - 05/10/20 |
Al Do

Ministrja e Arsimit Evis Kushi, ka zgjedhur të bëjë disa telefonata surprizë me mësues të ndryshëm me rastin e Ditës Botërore të mësuesve.

Ministrja Kushi shprehet se telefonatat kishin si qëllim shfaqjen e respektit ndaj mësuesve tashmë në pension me përvojë të dalluar, mësues ndihmës, mësues kontributorë për “RTSH Shkollë”, apo ndonjë prej tyre që sot kanë edhe datëlindjen.

“Telefonatat surprizë kishin në qëllim shprehjen e respektit ndaj secilit që komunikova, e nëpërmjet tyre të përcjell mirënjohjen për çdo mësuese e mësues në Shqipëri që ka kontribuar e vazhdon të kontribuojë në arsimimin e brezave”.

Kushi thotë se këtë vit shkollor relativisht të vështirë për shkak të pandemisë, “mësuesit tanë janë shtylla dhe armata kryesore që do të na ndihmojnë për të përballuar me sukses këtë sfidë që ka prekur gjithë globin. Pa sakrificën dhe vlerat e tyre, nuk mund të përballet asnjë sfidë në shoqëri. Jemi me fat që ju kemi dhe me zemër ju uroj Gëzuar Ditën Botërore të Mësuesve!”, shkruan Kushi.

Në telefonatë me mësuesit, Kushi shpreh mirënohjen për punën e tyre. “Jam Evisi, ministrja e Arsimit. Kam përzgjedhur mësues të ndryshëm dhe një ndër ato jeni ndër ju. Kam edhe një arsye tjetër që ju marr ju se ju sot keni ditëlindjen. Alma ky vit është shumë i vështirë për shkak të pandemisë dhe akoma më shumë dua të shpreh mirënjohjen për sakrificën që po bëni. Krenar sot dilni dhe në pension. Respekt dhe mirënjohje për kontributin që keni dhënë”, tha ministrja. /Opinion.al

Pas