Kryesore

Alibeaj publikon dokumentin: Veliu i përfshirë në veprimtari kriminale


Bëhu pjesë e Grupit Zyrtar të Opinion.al
>> KËTU <<
               Publikuar në : 19:38 - 02/06/20 |
Al Do

Ish-deputeti i Partisë Demokratike, Enkelejd Alibeaj ka publikuar një dokument, sipas tij i shërbimit sekret, që gjendet në dosjen e vettingut të Ardi Veliut, në të cilin flitet për implikimin e tij në veprimtari të paligjshme.

Ai ka komentuar deklaratat e sotme të kryeministrit Rama për numrin një të Policisë së Shtetit duke e shprehur se ata të dy “janë një”.

“Integriteti” i Ardi Veliut, të cilit Edi Rama i ngriti lapidar sot, sqarohet në dokumentin e shërbimit sekret, që gjendet në dosjen e vetingut të Ardi Veliut. Skeda e policit që Rama dashuron, është si me poshtë: “Në vitin 2002-2003, kur shërbente më policinë e Vlorës, ka qenë i implikuar në veprimtari të paligjshme. Ka qenë i implikuar në lëvizjet klandestine. Ka favorizuar kontrabandën e naftës. Ka ndihmuar një polic për pasaporta fallco”.”- shkruan Alibeaj në një postim në Facebook.

Ai ka dënuar faktin se kryeministri nuk është distancuar nga Veliu dhe se mbrojtja për të nuk është risi për Ramën.

Skedës së integritetit të policit ideal të Ramës, i mungon edhe funksionimi si shofer i trafikantit të drogës Klement Balili apo bashkëpunimi me trafikantin tjetër ndërkombëtar të drogës, Agron Xhafaj, prej të cilit mban sot edhe detyrën më të lartë në policinë e shtetit. Mbrojtja e Ardi Veliut nuk është risi për Edi Ramën. Kështu ka bërë me të gjithë ata që i shërbejnë për pasurimin dhe pushtetin e tij të paligjshëm, nga Vangjush Dako, tek Elvis Roshi, Mark Frroku, Arben Ndoka e deri tek Agim Kajmaku e Valdrin Pjetri.”- mbyll Alibeaj postimin e tij. /Opinion.al

Pas