Enkelejd Alibeaj në një prononcim për mediat para hyrjes në seancën plenare në Kuvend, u ndal për të folur mbi votën e diasporës dhe SPAK.
Ai tha se do të bëhet një kallëzim prej PD-së në mënyrë që mazhoranca të zbatojë vendimin e Gjykatës Kushtetuese që e detyron qeverinë të mundësojë votën e diasporës.
”Një nga çështjet më të rëndësishme janë propozimet tona për reformën zgjedhore. Ka kaq kohë që nga çështjet më kryesore si vota e diasporës, mbahen në sirtarët e këtij parlamenti me idenë që me kalimin e ditëve të bëhen më të pamundura zbatimin e vendimeve të Gjykatës Kushtetuese. Kemi depozituar një kallëzim penal për të detyruar këtë parlament për të zbatuar votën e diasporës. Është parlament privat që miraton ligje korruptive”, thotë Alibeaj.
Nga ana tjetër Alibeaj shprehu mbështetje për SPAK-un në punën e saj, por thekson se ky institucion nuk po amniston zv.kryeministrin, ministrat dhe drejtorët.
”Qëndrimi ynë dhe besoj e çdo mendje është mbështetja e SPAK. Ata 5 drejtorë janë atje prej SPAK. Mënyra më e sinqertë është mbështetja e SPAK. U bë disa javë që statusi i prokurorëve të SPAK duhet një orë e më parë të miratohet nga ky parlament. Duke mbështetur SPAK, që edhe kryeministri të shkoj kokëulur atje. Ajo çfarë po them është që SPAK nuk po amniston zv.kryeministrin, ministrat, drejtorët, nuk po amniston Erion Veliajn, Ballukun. Kam të gjithë arsyet që nuk do amnistojë as Edi Ramën. Mbështetje e SPAK, me burime financiare, njerëzore. Çdo lëvizje tjetër për të futur duart në reformën në drejtësi është lëvizje e Ramës për të asfiksuar SPAK’, shtoi Alibeaj.
