Albano dhe Romina do të martohen sërish! Për shkak të mungesës së privatësisë ky lajm po qarkullon me shpejtësinë e erës në mediat italiane dhe në rrjetet sociale. Edhe pse lajmi nuk është ende i konfirmuar nga Albano apo Romina, fansat janë çmendur nga lumturia.
Lajmi u publikua fillimisht nga Nuovo: gazeta e thashethemeve shkruante pa pikë mëdyshje që ky lajm është i vërtetë. Barbara D’Urso, ajo që vjedh vëmendjen e të gjithë italianëve çdo pasdite në Canale 5, e lançoi sërish këtë lajm menjëherë pas Nuovo.
Megjithatë ajo që i rrit më shumë dyshimet është vetë Romina Power me deklaratat e forta te Maurizio Costanzo: “nuk e di çfarë më lidh me Al Banon, është një lidhje e pazgjidhshme. Kjo nyje nuk do të shkëputet kurrë, për të mos folur për koncertet tona së bashku, zërat tonë krijojnë një vibrim që arrin brenda çdo kujt që na dëgjon dhe provokojnë ndjesi tepër të mira.”/Oggi.it/Opinion.al
