Humori i tij është vërtet në nivele të larta dhe nuk ngatërrohet me asnjë aktor të showbizzit shqiptar.
E mori famën në skenën e apartamentit “2XL” me batutat e tij spontane që kanë bërë shumë persona të qeshin.
E kemi fjalën pikërisht për aktorin Albano Bogdo i cili në dukje shumë i suksesshëm në skenën artistike por me disa probleme në jetën personale.
Së fundmi Albano ka qenë i ftuar në emisionin “Rreze Dielli” ku ka treguar më shumë nga jeta e tij.
“Për rreth tre vjet e gjysmë jam kuruar dhe vazhdoj të kurohem sepse më zë paniku dhe ankthi. Unë, që t’i bija shkurt, zgjodha pijen dhe jetën e shfrenuar. Pija 2 shishe alkool në ditë dhe kjo zgjati për afro një vit e gjysmë-dy vjet. Tani më duket sikur më zënë mallkimet e 300-400 njerëzve që kam lënduar.”-është shprehur aktori i humorit, i cili deklaroi më tej se prej këtij problemi ai ishte ndarë dhe nga e fejuara.
Megjithatë, siç u shpreh aktori, që prej qershorit të 2016-ës, ai i ka ndërprerë marrëdhëniet me alkoolin për tu përmirësuar nga ana shëndetësore, ai ka falenderuar publikisht edhe mjekët që e trajtojnë. Aktori i njohur u shpreh se shkak për gjendjen e tij ishte bërë fama.
