Përqendrimet atmosferike të dioksidit të karbonit dhe gazrave të tjerë serrë kanë prekur nivelet më të larta më 2018.
Organizata Botërore Meteorologjike (OBM) dha alarmin se rritja e këtyre niveleve është përtej rritjes mesatare të regjistruar në dekadën e fundit.
Sipas rezultateve të reja të raportit të OBM-së, nga viti 1990 është vërejtur një rritje prej 43 për qind e ngrohjes së klimës për shkak të gazrave serrë. Ndërkaq raporti nuk merr në konsideratë sasinë e emetimeve të lëshuara por vetëm ato që kanë mbetur në atmosferë.
Ekspertët llogarisin se do të duhet një reduktim drastik i emetimeve deri në vitin 2030, që të frenohet rritja e temperaturave globale në 1,5%. Nëse kjo nuk ndodh qindra miliona njerëz do të preken nga më shumë valë të nxehti, thatësirë, përmbytje e varfëri./Opinion.al
