Autokolona e Trump sapo ka mbërritur në gjykatë. Seanca është planifikuar të fillojë në orën 16:00 me orën lokale.
Mediat raportojnë se disa persona janë të pranishëm në sallën e gjyqit ku do të zhvillohet gjykimi.
Marshallët amerikanë kanë pastruar gjithashtu zonat rreth ndërtesës dhe po bllokojnë korridoret pranë dhomës ku do të shfaqet ish-presidenti.
Ai do të përballet me akuzat e ngritura pas hetimit të prokurorit special Jack Smith, lidhur me përpjekjet e ish-Presidentit për të përmbysur zgjedhjet presidenciale të vitit 2020.
Ish-presidenti po ashtu pritet të deklarohet i pafajshëm dhe në fund të seancës të lihet i lirë, në pritje të gjykimit.
Prokurorët federalë thanë në dokumentet e akuzës se Trump “ishte i vendosur të mbetej në pushtet” pas humbjes së zgjedhjeve dhe se bashkë me 6 bashkëpunëtorë të tij orkestroi një komplot për të ndryshuar rezultatet, që çuan në sulmin e 6 Janarit 2021 në Kapitolin e SHBA.
Trump, i cili është kryesuesi i Republikanëve për presidencialet e vitin 2024, është nën akuzë edhe për një tjetër hetim të Smith për dokumentet e klasifikuara. Ai i ka mohuar të gjitha akuzat, ndërsa e ka konsideruar çështjen si politike./Opinion.al
