Policia italiane ka arrestuar katër shqiptarë të cilët akuzohen se kanë kryer mbi 20 grabitje në disa banesa të rajonit të Toskanës.
Këto grabitje janë vërtetuar nga ana e autoriteteve italiane, por policia dyshon se numri i grabitjeve është më i lartë.
Policia e Firences bën me dije se shqiptarët të cilët ranë pranga janë identifikuar si Zeqir Mzhika, 33 vjeç, Hektor Cakoni, 39 vjeç, Marjan Perndreka, 31 vjeç, Denard Prendi, 31 vjeç.
Dyshohet katër shqiptarët janë anëtarë të një bande e cila ushtron veprimtarinë e saj në grabitjen e apartamenteve dhe makinave.
https://youtu.be/g1yoTEZDons
Hetimet kanë zbuluar se shqiptarët pasi përfundonin grabitjen i vendosin sendet e vjedhura përkohësisht në një magazinë.
Sipas autoriteteve italiane, pas një serie grabitjesh shqiptarët kishin planifikuar të dilnin nga Italia. Po ashtu, dyshohet se banda në të cilën bënin pjesë katër shqiptarët kryenin dhe vjedhjen e makinave luksoze./ Opinion.al E.Xh.
