Kryeministri Rama ka vijuar akuzat ndaj kryetarit të PD, Lulzim Basha.
Përmes një mesazhi në Twitter, Rama i kërkon kryedemokratit të flasë vetë për akuzat që ia bëjnë sipas tij dëshmitarë të masakrave në Kosovë.
Reagimi i kryeministrit vjen pasi një deklarate zyrtare të Partisë Demokratike, ku thuhet se këto akuza ishin të pavërteta dhe të ngritura nga Rama si një skenar shpifjesh në prag të zgjedhjeve.
LEXO EDHE: PD: Lulzim Basha nuk ka marrë pjesë në asnjë proces ndaj anëtarëve të UÇK
Megjithatë Rama shkruan se këto akuza janë bërë nga njerëz që ai nuk i ka takuar kurrë. Ai akuzon Bashën se po i bën bisht akuzave dhe hedh poshtë pretendimet se ato janë ngritur për qëllime elektorale në prag zgjedhjesh.
“Lulëzim e bërë atë parti si leckë për këpucët e tua! Dil fol vetë për akuzat që nuk t’i bëj unë, po dëshmitarë të masakrave e të betejave për liri në Kosovë, që as i njoh as i kam takuar kurrë! Sharjet e akuzat ndaj meje nuk janë as argumenta, as shpjegime, po thjesht bishtnime! Në këtë mes unë kam vetëm rolin që më takon: Të të kërkoj t’i sqarosh publikut kush je ti në këtë mes dhe pse të kërkojnë ty dëshmitarët e nuk kërkojnë fjala vjen Stamo Dumon? Dhe lëri dokrrat me konspiracione parazgjedhore, se një kundërshtar si ti është një lule që s’këputet!”, shkruan Rama. /Opinion.al
