Politikë

Akuzat e Bashës nga Lezha: Altin Hajri u lirua 1 javë para zgjedhjeve


Bëhu pjesë e Grupit Zyrtar të Opinion.al
>> KËTU <<
               Publikuar në : 12:21 - 12/05/21 |
Opi Nion

Kreu i PD Lulzim Basha ka qenë ditën e sotme në një takim me qytetarët në Lezhë teksa ka bërë dhe akuzat e rradhës.

Sipas Lulzim Bashës, Arben Ndoka dhe Altin Hajri janë liruar nga burgu vetëm një javë para zgjedhjeve me qëllim blerjen e votave.
Basha është shprehur gjithashtu  se regjimi Rama-Doshi nuk do të gjejë paqe asnjëherë, sepse vala e ndryshimit e ngritur nga demokratët do ta përmbysë.

E gjithë vëmendja jonë duhet të jetë te mobilizimi i çdo energjie, për t’ia bërë të qartë regjimit Rama-Doshi se ditët i kanë të numëruara. Nuk do të lëmë asnjë mjet pa përdorur për të çliruar dëshirën e njerëzve për ndryshim. Kush është i lodhur nga kjo betejë, ka hequr dorë nga Shqipëria dhe është kthyer në skllav i Doshit e Ndokës me shokë”, shtoi Lulzim Basha.

Pjesë nga fjala e Lulzim Bashës në Lezhë:

E kam thënë në emrin tuaj dhe në emrin tim që në fillim të fushatës, kjo betejë nuk bëhej për Partinë Demokratike, kjo betejë bëhej për shqiptarët, bëhej për Shqipërinë, bëhej për lezhjanët, për mirditorët, për kurbinasit, për të gjithë shqiptarët.

Në këtë betejë ne dolëm ballëhapur para atyre. Pa asnjë pushtet, me bashkinë e vjedhur nga procesi kriminal i 30 qershorit. Me drejtësinë në gjunjë që i lëpihet Arben Ndokës, që jo më kot e lëshuan një javë para zgjedhjeve, njësoj si Altin Hajrit, ja hoqi sekuestron OFL-ja, që në fakt është Operacion Kriminal Negocimi i Edi Ramës me krimin.

Jo, jo aspak, përkundrazi, ne u futëm në këtë betejë sepse ne e dinim që shqiptarët donin dhe duan ndryshimin. Që shqiptarët donin dhe duan një të ardhme më të mirë për veten e tyre, për familjet e tyre. Ndaj, përballë çdo familjeje, përball çdo fermeri, çdo sipërmarrësi të vogël apo të madh, çdo punonjësi në sektorin privat apo publik, përball mjekëve dhe infermierëve, pacientëve dhe familjeve të tyre, arsimtarëve dhe edukatorëve, përball të gjithë operatorëve të ekonomisë shqiptare, studentëve dhe pedagogëve, intelektualëve dhe arsimtarëve, ne dolëm me një program europian me zgjidhje të realizueshme për ta nxjerrë vendin nga 8 vite krizë./Opinion.al

Pas