Një nga yjet e filmit “Harry Potter”, Robbie Coltrane është parë në një karrocë paraplegjikësh në pritje të operacionit në gju, pasi prej kohësh vuan nga osteoartriti ose siç njihet ndryshe sëmundje e kyçeve.
I njohur nga të gjithë si Rubeus Hagrid, në sagën e “Harry Potter”, aktori, 68-vjeçar, nuk mundi të ecte në Pancras Renaissance Hotel, në Londër, pasi kishte shumë dhimbje. Ai tregoi se ato janë të vazhdueshme , dhe e shoqërojnë prej vitesh me radhë.
Sëmundja ka bërë që aktori të mos ecë dot pa ndihmën e karrocës, ndërsa po pret të kryejë një ndërhyrje të veçantë kirurgjikale në Amerikë.
“Është jashtëzakonisht frustruese për të, por ai me të vërtetë shpreson të ngrihet në këmbë pas kryerjes së operacionit”, tha një burim për “The Sun”.
Tre vjet më parë, aktori tha se mjekët i kishin thënë të humbiste 44 kilogramë ndryshe rrezikonte të mbetej invalid./Opinion.al
