Aktualitet

Aksioni për konfiskimin e kateve pa leje, Berisha: Rama si Gadafi. Ku ishte 8 vite?



Bëhu pjesë e Grupit Zyrtar të Opinion.al
>> KËTU <<
               Publikuar në : 13:00 - 10/09/22 |
Opi Nion

Kreu i PD, Sali Berisha në një takim të mbajtur me qytetarët këtë të enjte në Ersekë ka folur edhe për aksionin e qeverisë të nisur pak ditë më parë për konfiskimin e kateve shtesë pa leje.

Berisha e quajti Ramën “Gadafi”, teksa u shpreh se katet pa leje kanë ardhur si pasojë e një administrate të korruptuar që sipas Berishës ka vjedhur duke marrë shembull kryeministrin.

“Në Tiranë ka me qindra e qindra kate pa leje e kujtohet Gadafi, paskan lulëzuar ndërtimet pa leje, po ku ishe ti 8 vite? Bën buadalla shqiptarët, por nuk janë.

Nuk mund të thuash shqiptarëve nga dolën? Mbinë me rryshfete ato, se ke krijuar një administratë që nga mëngjesi në darkë vjel rryshfete e vjedh nën shembullin tënd.

“Krimi zhvillon” thoshte ministri i antikrimit. Sigurisht që të zhvillon o ministër velist se me vela po transportohet droga dhe ti po pasurohesh. Por krimi përkundrazi e pengon thellësisht zhvillimin.

Po të ishte për krim Kolumbia do ishte sot e zhvilluar sa SHBA, por nuk zhvillon krimi.

Ndaj dhe ne do kemi zero tolerancë ndaj krimit të organizuar, do bëjmë luftë të pa kompromis dhe të suksesshme ndaj korrupsionit”-tha Berisha.

 

 

Pas