Aktualitet

Irani dënon sanksionet amerikane: Tirana viktimë e skenarit të krijuar nga SHBA



Bëhu pjesë e Grupit Zyrtar të Opinion.al
>> KËTU <<
               Publikuar në : 13:45 - 10/09/22 |
Opi Nion

Irani ka dënuar ashpër sanksionet e Shteteve të Bashkuara të vendosura këtë javë ndaj Ministrisë së Inteligjencës dhe Sigurisë së Iranit dhe ministrit të saj pasi Teherani u akuzua se qëndron pas sulmit kibernetik të 15 Korrikut kundër Shqipërisë.

““Deklarata e shpejtë e Amerikës për akuzat e pabaza të Qeverisë Shqiptare kundër Republikës Islamike të Iranit dhe veprimi i shpejtë që pasoi për të vendosur sanksione të reja ndaj Ministrisë dhe ministrit të Inteligjencës së Republikës Islamike të Iranit, nën të njëjtat akuza të paprovuara tregojnë se truri i këtij skenari nuk është qeveria shqiptare por administrata amerikane dhe se Tirana ka rënë viktimë e një skenari të krijuar nga Uashingtoni kundër Republikës Islamike të Iranit”, tha në një deklaratë më 10 shtator zëdhënësi i Ministrisë së Jashtme iraniane, Nasser Kanani.

Shqipëria urdhëroi zyrtarët iranianë të largoheshin nga vendi më 7 shtator dhe ndërpreu marrëdhëniet diplomatike me Teheranin pas një hetimi për sulmin kibernetik që synonte infrastrukturën dixhitale të anëtarit të NATO-s.

Shtetet e Bashkuara njoftuan më pas sanksione të reja kundër ministrit iranian të inteligjencës dhe sigurisë, Esmail Khatib dhe ministrisë në tërësi.

Sulmi kibernetik i Iranit kundër Shqipërisë shpërfill normat e sjelljes së përgjegjshme të një shteti në kohë paqeje në hapësirën kibernetike”, tha më 9 shtator nënsekretari i Thesarit të SHBA-së, Brian Nelson.

Kanani gjithashtu akuzoi Uashingtonin se “i jep mbështetje të plotë një sekti terrorist”, duke iu referuar Organizatës së ndaluar të opozitës Mujahedin-e Khalq, MEK.

Me kërkesë të Shteteve të Bashkuara dhe Kombeve të Bashkuara, Shqipëria ra dakord në vitin 2013 të pranonte anëtarë të MEK nga Iraku dhe mijëra janë vendosur që atëherë në vendin tonë.

Pas