Nënkryetari i LSI-së Petrit Vasili ka shuar sot zërat për një përcarje të mundshme mes Lëvizjes Socialiste për Integrim dhe Partisë Demokratike. Ai ka deklaruar se dy partitë më të mëdha opozitare janë në dakortësi të plotë për zgjidhjen e krizës.
“Opozita e bashkuar do të intensifikojë aksionin shumëplanësh. Kriza shumë e rëndë kushtetuese, politike dhe e përfaqësimit. Ka dakordësi të plotë për platformën që zgjidh krizën. Opozita kërkon hapjen e negociatave jo demagogjinë e radhës. Opozita është e vendosur për të çuar deri në fund aksionin e saj”, thekson Vasili.
Numri dy i LSI-së tha se kryeministri Edi Rama është gjeneruesi e shkaku i krizës pasi kjo i shërben për të grabitur me konçesione. “Edi Rama është i interesuar vetëm që integrimi të dështojë. Mazhorancës i intereson kriza si alibi për grabitjen me koncesione”, deklaron Vasili. /Opinion.al
