Një aksident me pasojë vdekjen e 2 shqiptarëve ka ndodhur mëngjesin e sotëm, në aksin rrugor Bolonja-Taranto, afër zonës komunale të Gateos, midis Riminit dhe Çezenës.
Nga vëzhgimet e para të policisë rezulton se makina e tyre, një “Renault Clio”, ishte e ndaluar në rrugë, kur u godit nga një “Volkswagen Passat” që vinte nga pas, në bordin e së cilës ishin tre persona, që pësuan lëndime të lehta.
Ndërkaq, godita ka rezultuar fatale pë pasagjerët e “Renault Clios”, të cilët ndërruan jetë.Mediat italiane thonë se bëhet fjalë për një 28-vjeçar dhe një grua 38 vjeç, të dy shqiptarë./Opinion.al
