Një aksident ka ndodhur mesditën e sotme në aksin rrugor Korçë–Pogradec, në afërsi të fshatit Velitërnë, Maliq.
Një automjet tip “Volkswagen” është përplasur me një furgon tip “Mercedes-Benz”, e për pasojë ka mbetur i lënduar një pasagjer i furgonit, i cili është dërguar në spitalin e Korçës dhe ndodhet jashtë rrezikut për jetën.
Me drejtuesit e automjeteve po kryhen veprime të mëtejshme proceduriale.
Grupi hetimor po punon për sqarimin e shkaqeve të aksidentit./Opinion.al
