Një aksident ka ndodhur mesditën e sotme në aksin Fier-Levan.
Mësohet se një automjet tip “Ford” ka dalë nga rruga dhe është përplasur me një shtyllë të tensionit të lartë.
Si pasojë e aksidentit, dyshohet se kanë mbetur të lënduar dy persona të cilët janë transportuar me urgjencë drejt Spitalit Rajonal të Fierit.
Shkak për humbjen e kontrollit të drejtuesit të “Fordit”, dyshohet të ketë qenë një parakalim i gabuar i një furgoni i cili i ka prerë rrugën.
Në vendngjarje kanë shkuar shërbimet e policisë, të cilët po kryejnë veprimet procedurale për të zbardhur shkaqet e këtij aksidenti.
