Rajoni

Akademia e Shkencave e Kosovës kërkon anulimin e Nobelit për Handken


               Publikuar në : 18:53 - 10/10/19 |
xhu lia

Akademia e Shkencave dhe e Arteve e Kosovës ka shprehur zhgënjimin me ndarjen e Çmimit Nobel për Letërsi në vitin 2019 për shkrimtarin austriak, Peter Handke.

Handke njihet për mbështetjen e tij lidhur me politikat e ish-presidentit të Serbisë, Sllobodan Millosheviç.

Për këtë arsye, Akademia e Shkencave dhe Arteve e Kosovës është shprehur se kërkon që të anulohet ky vendim i Akademisë suedeze, si “akt mirëkuptimi e solidariteti me të gjithë popujt e botës që luftojnë për liri dhe vlera demokratike”.

“Peter Handke nuk ishte në anën e drejtë të historisë së popujve të Ballkanit dhe as të Kosovës; nuk ishte në anën e ndritshme të ideve, por gjeti strehë në anën e errët të ngjarjeve tragjike të Ballkanit”, -thuhet, mes tjerash, në reagimin e Akademisë së Shkencave dhe të Arteve të Kosovës.

Ditën e sotme Akademia suedeze e Shkencave i akordoi Çmimin Nobel për Letrësi autoren polake, Olga Tokarczuk, dhe autorin austriak, Peter Handke.

Çmimi për Tokarczukun i takon vitit 2018, ndërsa për Handken këtij viti.
Akademia suedeze ndau këtë vit dy çmime në letërsi, pasi vitin e kaluar është anuluar për shkak të një skandali seksual.

 

Pas