Kryeministri Rama ka ndarë një foto në tuiter me gazetaren Agfane të BBC, Yalda Hakim e cila ka qenë në Shqipëri dhe ka vizituar qytetarët afganë të akomoduar në vend.
Në postimin e tij, krahas fotos së realizuar në zyrën kryeministrore, Rama shkruan se tashmë këtyre qytetarëve do t’u ofrohet jo thjesht një strehë, por një jetë.
“Një nder të punoj krah për krah me Yalda Hakim dhe njerëz të tjerë të mirë për të nxjerrë nga ferri fëmijë, burra dhe gra të Afganistanit dhe t’i bëjmë ata të ndjehen në Shqipëri si në shtëpinë e tyre. Pasi i strehuam ne duhet t’ju ofrojmë atyre një jetë dhe këtë do ta bëjmë të gjithë bashkë. Për ta, për ne, për fëmijët tanë”, shkruan Kryeministri.
Pak ditë më parë në një intervistë në Opinion, Rama tha se Shqipëria ka ofruar akomodim për 4 mijë qytetarë afganë./Opinion.al
An honour to work hand in hand with @BBCYaldaHakim and other great people to get out of hell kids, women and men from Afghanistan and make them feel home in Albania.After sheltering them we should offer them a life and we will do it altogether?For them for us for our kids?? pic.twitter.com/s17c24PJ4M
— Edi Rama (@ediramaal) September 5, 2021
