InstaBIZ

Adelina Tahiri: Jam e vetmja këngëtare që si kam bërë “block” “Vipave të Bllokut”


Bëhu pjesë e Grupit Zyrtar të Opinion.al
>> KËTU <<
               Publikuar në : 19:05 - 11/11/15 |
root

Nga Suada Daci

Adelina Tahiri në Tiranë…

12231207_10207462392135927_271624056_nadelina

*Në foto Adelina Tahiri me nënën e saj Teutën*

Në fillim menduam ti bënim disa foto dhe ti publikonin në portal, por më pas nuk i rezistuam dot dëshirës për ta intervistuar. Nuk e njihja më parë këngëtaren shkupiane dhe ajo me shumë dashamirësi, pranoi të fliste për Opinion.al. Duke qenë se bukuroshja seksi është shumë e tërhequr nga mediat por mbi të gjitha një vit pa publikuar një video të re, ishim shumë kuriozë të dinim çfarë ndodhi me të. Për të gjitha këto ajo e ka një përgjigje…

Si po ndihesh në Tiranë?

Tiranën e dua shumë,  e kam njohur këtë qytet në një tjetër dimension jo vetëm për të ardhur dhe bërë intervista. Më duhet ta pranojë që më pëlqen më shumë se Prishtina.

Në rrjetet sociale je një nga vajzat më të ndjekura sapo publikon një foto ajo bëhet direkt lajm

Kjo është një gjë që më shtyn mua mos të punoj aq shumë, por të punojnë të tjerët për mua. (Qesh) Këtë e quaj si sukses pasi në momentin kur shkruhet ka interes për mua. Ka ditë që i provokoj gazetarët dhe janë direkt të gatshëm të shkruajnë për mua…

Po ndalem te fotot pasi këngë s’ke bëre këto kohë, ato janë nga palestra, përditshmëria, foto profesionale. Ke ti një menaxher që të mëson si të veprosh në rrjetet sociale?

Menaxher për rrjetet sociale jo, pasi ne jemi bërë kaq të varur prej tyre sa jemi gjatë gjithë kohës me telefonin në dorë.

Pra i menaxhon vet profilet e tua?

Unë kam vetëm Instagram që sigurisht e menaxhoj vet dhe një funpage në Facebook, që e kanë menaxherët e mi. Instagrami është kthyer në domosdoshmëri dhe me anë të tij marr informacion për gjithçka.

Kë nga koleget/kolegët ndjek në Instagram?

Nuk kam komplekse kush më ndjekë dhe kush jo. Nuk kam programe për të kuptuar kush më ka dhe kush jo “follow”, por me këngëtaret që i kam patur më të afërt i ndjek. Atyre që nuk i kam iu kërkoj falje, por nga numri i shumtë i fansave si kam vëne re, jo se jam mendjemadhe. Po mbeti mendjemadhësia aty morëm fund pastaj, (qesh).

Kënga jote e fundit “Mos më duaj”, është shumë provokuese ty të pëlqen të provokosh?

Kur njerëzit bien në provokimet e mia, pse mos ta bëj (qesh), megjithatë nuk bëj klipe që të shkruajnë mediate bëj ashtu si ndihem unë më mirë.

Në Instagram është hapur një faqe që merret me vipat si janë dhe si kanë qenë, e ke parë?

Po dhe jam e vetmja që si kam bërë block (qesh). Nuk më shqetëson si faqe, vetëm se publiku merr informacione të gabuara prej saj. Mua më kanë nxjerrë një foto pa grim, kur vet kam njëmijë foto pa make-up, madje ti po më sheh live s’jam e tmerrshme, (qesh). Ata më kanë vendosur një fotografi kur unë jam vrarë në ski, ia kam çuar dikujt dhe më pas është përhapur sepse ata njerëz më kanë dashur shumë (qesh). Nuk kam asnjë operacion plastik përveç buzëve, që nuk është operacion.

E pranon këtë fakt?

Normal që po, nuk kam ndërmend të bëj veten budallaqe dhe më pas njerëzit. Çdo njeri ka sy më sheh si kam qenë dhe si jam.

Po nga jeta personale kemi të reja apo ngaqë kemi dhe mami Teutën këtu dhe s’do më tregosh?

(Qesh) Pa problem fare, por sinqerisht jam “single”. Nuk më lenë mediat me gjet frajer se thonë jam e shëmtuar dhe s’më afrohet njeri ( qesh), bëj shaka. Ajo pjesë është diçka e imja, jam 23 vjeçe dhe po të kisha një të dashur do ishte shumë normale, por dhe kur ta kem s’do të ta tregojë, se po më prishni punë.

Kënga e re kur del?

Unë këtë herë do të vij në bashkëpunim me një këngëtare që quhet, Doruntina Qemali dhe  këngën e ka krijuar Elgit Doda. Ajo këndon shumë mirë muzikë popullore por ka zë shumë të mirë edhe për muzikë moderne. Unë kam ndihmuar shumë njerëz të talentuar, dua ta ndihmoj dhe atë, (qesh).

Po këtë verë pse mungove, kur të gjitha koleget bën një ose më shumë këngë?

S’kisha nevojë ishin mediat për mua (qesh)…

KOMENTO (0)

Shkruaj nje koment

    Pas