Bota

Abuzonte seksualisht me vajzën 2 vjeçe dhe postonte në internet,pranga babait 33-vjeçar  



Bëhu pjesë e Grupit Zyrtar të Opinion.al
>> KËTU <<
               Publikuar në : 20:25 - 15/10/22 |
Opi Nion

Tmerr në Romë, ku një 33-vjeçar u arrestua për dhunë seksuale të rëndë ndaj vajzës së tij. Abuzimet ndaj të miturës 2-vjeçare kanë ndodhur në shtëpi, ndërsa 33-vjeçari e ka filmuar me celular të gjithë skenën. Fotot dhe videot iu dërguan më pas personave të një komuniteti ndërkombëtar pedofilësh në internet. Burri akuzohet gjithashtu për posedim, prodhim dhe transferim të materialeve pornografike për fëmijë dhe për joshje seksuale ndaj një të mituri 15-vjeçar.

Hetimet u mundësuan falë një mjeti kompjuterik, i cili bëri të mundur tejkalimin e murit të anonimitetit pas të cilit ishte fshehur 33-vjeçari Roman. Të dhënat e mbledhura gjatë kontrollit kompjuterik zbuluan edhe një joshje seksuale që i dyshuari po kryente ndaj një djali 15-vjeçar.

Përveç dosjeve origjinale të regjistruara gjatë abuzimit dhe smartfonit të përdorur për xhirime, u gjetën edhe llogaritë e përdorura nga burri për të dërguar dhe kërkuar pornografi për fëmijë dhe për të folur me viktimat e tij të reja. I gjithë materiali u sekuestrua, ndërsa i dyshuari u dërgua në burgun Regina Coeli./Opinion.al

Pas