Kronikë

Abuzoi me të miturën, dënohet roja i shkollës, Abas Doga


Bëhu pjesë e Grupit Zyrtar të Opinion.al
>> KËTU <<
               Publikuar në : 13:30 - 13/01/21 |
Doriana Çepunaj

Gjykata e Tiranës ka shpallur fajtor Abaz Dogën, rojen e shkollës në Babrru, i cili abuzoi seksualisht me një vajzë të mitur. Doga ka përfituar nga gjykimi i shkurtuar dhe është dënuar me 12 vite burgim.

Ish-roja e shkollës do ta kryejë dënimin e tij në një burg të sigurisë së zakonshme. Po ashtu, fajtor për përdhunimin e të miturës është shpallur edhe Klajdi Poçi, i cili me gjykim të shkurtuar do të bëjë shtatë vjet e katër muaj burg.

Kujtojmë se Doga, Poçi dhe dy të rinj të tjerë që janë nën moshë, akuzohen se kanë përdhunuar një 15 vjeçare në zonën e Babrrusë në Tiranë duke e shantazhuar përmes publikimit të videove intime.

Ngjarja u denoncua në mars të vitit të kaluar, kur Doga përndiqte 15-vjeçaren dhe e kërcënonte se do i tregonte prindërve të saj që ajo dilte me shoqet larg shtëpisë. E gjendur përballë këtij presioni ajo ishte detyruar ta takonte Abaz Dogën.

Pas abuzimit seksual 65-vjeçari e shantazhoi të miturën për një vit rresht ndërsa refuzimi i saj për disa kohë bëri që Doga të shkruante emrin e saj në çdo mur të lagjes duke i bërë të ditur se nëse nuk shkonte tek ai, situata do përkeqësohej.

Abaz Doga punonte si roje në shkollën 9 vjeçare “Azem Hajdari”. Pas publikimit të skandalit, që bëri bujë në media, Ministria e Arsimit shkarkoi nga detyra drejtorin e shkollës./Opinion.al

Pas