Ish- ministri i Drejtësisë, Ylli Manjani ka lënë pak minuta më parë Prokurorinë, ku u pyet lidhur mbi dosjet e abuzimit me tenderat në këtë ministri gjatë periudhës kur ishte ministër.
Manjani u mor në pyetje nga oficerë të Policisë Gjyqësore pranë Prokuorirsë së Tiranës.
Në dalje nga organi i akuzës, Manjani tha se ishte paraqitur në Prokurori me statusin e dëshmitarit dhe jo të të pandehurit.
Ai qartësoi se kishte dëshmuar në diskrecion të plotë, që do të do të thotë se nuk do jepte detaje mbi atë çfarë kishte deklaruar përballë oficerëve të Policisë Gjyqësore.
Ndërkohë që burime mediatike thonë se Manjani ka deklaruar në Prokurori se ka firmosur praktikat por nuk është marrë me teknikalite.
Manjani është thirrur të japë dëshminë e tij, pas hetimeve të hapura nga Prokuroria lidhu mbi abuzimet që kanë ndodhur me disa tenderime në Ministrinë e Drejtësisë, ku janë ndaluar 11 zyrtarë.
Periudha për të cilën po hetohet është nga viti 2016 deri në vitin 2017.
Tenderat për të cilën hetohet janë; Mirëmbajtja dhe mbikqyrja e sistemit ICMIS në 7 Gjykatat Administrative, Përmirësimi i sistemit të mbikqyrjes elektronike në fushën penale; Përmirësimi, Zhvillimi dhe Mirëmbajtja e Regjistrit Noterial Shqiptar; Sistemi i Monitorimit me kamera për burgun e Lezhës dhe Fushë Krujës si edhe tenderi i “Përmirësimit dhe mirëmbajtjes së sistemit elektronik të çështjeve të përmbarimit.” Dl/ Opinion.al
