Politologu Bojken Abazi ka përligjur qëndrimin e qeverisë Kurti përballë Serbisë në situatën e tensionuar të krijuar së fundi lidhur me çështjen e targave, por dhe asociacionit të komunave serbe.
Abazi tha se tashmë është i nevojshëm një ndryshim kursi, por pohoi se me largimin e sërbëve nga institucionet nuk krijohet vakuum ligjor dhe se deputetët serbë mund të zëvendësohen.
“Deri sot kemi ecur me kënaqjen e orekseve të Serbisë. Ja ku jemi sot me një Serbi që koordinohet me Kinën dhe Rusinë. Kemi nevojë për një ndryshim kursi.
Të zëvendësohen deputetët e listës Serbska me deputetë të subjekteve të tjera. Nuk ka vakum kushtetues. Tek pushteti lokal të bëhen zgjedhje aty ku mund të bëhen. Nuk ka vakum ligjor.
Kjo situataë ka për të zgjatur. Serbia po pret zgjedhjet presidenciale në SHBA. Jemi në një situatë ku duhet të ndryshojmë kursin nga brenda Kosovës”, tha Abazi./Opinion.al
